Guddoomiyaha magaalada Bu’aale ee xarunta gobolka Jubbada Dhexe ayaa qaylo dhaan u diray dawladda dhexe ee Soomaaliya kadib markii canshuurihii ka socdey degmadaasi ay joojiyeen kooxo burcad ah oo iyagu lacagaha canshuuraha ah la wareegey.

Guddoomiyaha degmada Bu’aale Ibraahim Noole, waxaa uu sheegay in hawlihii canshuur qaadista oo ilaa iyo 21 casho socdey uu hakad ku yimid kadib markii ay kooxo burcad ah xoog ku qaateen buleetooyinkii dawladda ee canshuur qaadista iyaga oo jidgooyooyinna samaystay.

Dawladda federaalka, ayuu ka codsaday in degmadaas ciidamo ay u soo dirto si amarka iyo kala dambaynta loo xaqiijiyo.

Leylo Sheekh Aadan

SBC Kismaayo