Dawladda Dalka Brazil ayaa kharash gaaraya saddex bilyan oo doolar ku maal gelineysa yaraynta amaba hoos u dhigidda dembiyada abaabulan ee ka dhaca waddooyinka waaweyn ee magaalooyinka.

Qorshaha ay dawladdu ku xakamayneyso dembiyada burcadda ayaa diiradda lagu saarayaa sidii dhallinyarada aan shaqada haysan booliis looga dhigi lahaa, barnaamijyada arrimaha bulshada iyo waxbarashada.

Kharashkan ayaa sidoo kale lagu dhisayaa xabsiyo waaweyn oo lagu hayo burcadda dilalka ka geysata magaalooyinka waaweyn ee dalka Brazil.

Ururka lagu magacaabo Via Rio, ee ka shaqeeya joojinta rabshadaha ka dhaca magaalada Rio De Janeiro ayaa si diirran u soo dhoweeyey qorshaha ay xukuumaddu ku dhawaaqday.

Brazil waa mid kamid ah dalalka caalamka ee ay dilalka ugu badani ka dhacaan waxana sannad kasta dil aan sababasnayd lagu khaarijiyaa dad lagu qiyaasay 45,000 oo qof.

Maxamuud Faarax Bile

farahbile@hotmail.com