Sarkaal ka tirsanaa Laanta Dembi Baarista (CID) ee Booliiska gobolka Bari ayaa habeenkii xalay lagu diley bartamaha magaalada Boosaaso.

Sarkaalka oo lagu magacaabi jirey Cabdishakuur Yaasiin Cali ayaan ilaa iyo hadda la ogeyn cidda fulisey falkii lagu diley.

Saraakiisha kala duwan ee laamaha ammaanka ayaa SBC u sheegay in baaritaan baaxad leh uu socdo iyadoo sheegay in ay ku hawlan yihiin sidii gacanta loogu soo dhigi lahaa gacan ku dhiiglaha.

Maamulka gobolka Bari ayaa sidoo kale sheegay in ay maalinta berrito ah war ka soo saari doonaan dilkaas.

Cabdulqaadir Nuunow

SBC Boosaaso