Axmed Gobey Cawaale Gudoomiyaha degmada Baladweyn ayaa wuxuu ku eedeeyey qaraxaasi in ay ka danbeeyaan kooxaha uu ugu yaaray nabad diidayaasha ,isagoo sheegay in ay talaabo ka qaadayaan kooxihii ka danbeeyay falkaasi.
Axmed Gobay ayaa wuxuu sheegay in qarax aysan cidna wax ku noqon ,isagoo sheegay in ay qabteen dad gaaraya 7 qof oo looga shakisan yahay in ay ka danbeeyaan falkaan, balse wuxuu sheegay in la qabtay nin si weyn looga shakisan yahay.

"Waxaanu qabaney dad badan ,laakiin nin ka mid ah ayaan aad ugu tuhmaynaa arintaan waayo ,waxaa sababay ninka wuxuu daqiiqado ka hor soo wacay ganacsadaha leh baabuurka uuna ujeediyay digniin ku aadan in gaarigiisu joojiyo hawlaha uu wado" ayuu yiri Gudoomiyaha degmada Baladweyn.

Gudoomiyaha ayaa wuxuu intaasi raaciyay in maamulkoodu bilaabay hawlgallo kala duwan oo ay wax kaga qabanayaan kooxaha amaan darada ka wada gudaha gobalkaasi ,isagoo sheegay in ay jiraan xog ay hayaan maamulkoodu oo ku aadan in dad doonaya in amaanka gobalka khal khalgaliyaan ay joogaan degmooyin ka mid ah gobalka Hiiraan.

Qaraxan lala beegsaday Gaariga booyadaa ayaa wuxuu ahaa Miino wadada dhinaceeda la dhigay ,waxaa la doonayay in waxyeelo loogu geystay gaarigaasi,ayadoo gaarigan ay sheegayaan Maamulka gobalku in aysan waxba gaarin.

Mahan markii ugu horeysay oo qarax lala beegsado Booyad biyo u dhaamineysa ciidamada dawlada Itoobiya ,waana kii Sadexaad oo noociisa ah.

Isha Warka: Gobolkabanaadir.com