Ayax raxan raxan u socda ayaa baabi’iyey inta badan beerihii iyo dhulkii daaqsinta ee ku yiil nawaaxiga degmada Luuq ee gobolka Gedo ee koonfur galbeed Soomaaliya.

Tuulooyinka uu baab’iyey ayaxani ayaa waxaa kamid ah tuulada Carra Cadde iyo Haanoole waxana uu cagta mariyey dhulkii daaqsinta oo xilligan roobban iyo weliba beerihii dhulkaas.

Hay’adda Care International ee ka hawl gasha degmada Luuq ee gobolka Gedo ayaa sheegtay in ay qali dhaan u diri doonto Qaramada Midoobey si wax looga qabto xaalufinta uu ayaxani wado.

Toddobaadyadii la soo dhaafay gobollo ku yaal Puntland iyo Somaliland ayaa ayax guur guuraya oo aad u fara badan uu waxyeello weyn gaarsiiyey dhulkii daaqsinta ahaa isagoo ayaxani meelaha uu dego ka dhigaya sidii abaar aan weligeed roob ka da’in.

Ismaaciil Xasan Colaad (Socdaal)

SBC Beledxaawo