Sadex kamid ah xerooyinka Qaxootiga ee ku yaala bariga magaalada Boosaaso ayaa dab qabsaday barqanimadii maanta waxaa uu keenay in au ku burburaan ku dhowaada 200 oo guri.

Guryaha gubtay ayaa ahaa kuwo ka samaysan cooshado iyo teendhooyin,waxaana ay keeneen in uu dabku si sahal ah ku fido,iyadoona uu isaga gudbo Sadex xero qaxooti oo isku xiga.

Dabka ayaa kasoo bilowday Xerada buulo Mingis,waxaana khasaraaha ugu badan ee dhinaca dhismaha uu u geystay xeradaasi iyo xerada kale ee xigta oo lagu magacaabo Buulo dhato,iyadoona markii dambe ay laanta dab damiska dowada Hoose ee Boosaaso ay kasoo gaareen markii uu u gudbay xerada xigta ee Buulo Eeleey.

Qaar kamid ah dadkii qaxootiga ahaa ee ay guryahooda uga gubteen dabka ayaa nooga war bixiyay qaabkii uu dabka ku bilowday,waxaana ay ahaayeen kuwo ku kakala aragti duwan,iyadoona qaar kamid ah dadkaasi ay qabeen in ay dad gaar ah oo iyaga ka tirsan ay gubeen buushashkoodii,halka qaar kale ay sheegeen in uu dabku ka kacay berjiiko cunto ku karsamaysay.

Inta badan xerooyinka Qaxootiga ee Magaalada Boosaaso ayaa sanadkasta xilagan oo kale waxaa qabsada dab loo aaneeyo dabaysha xagaayada,iyadoona khasaaraha ugu badan ee uu dabku u geysto barakacayaashu uu yahay,iyadoo uu hoy la aan ka dhigo.

Xuseen Xuska
Xuska45@hotmail.com
SBC International Monitoring.