Xarakada Shabaab Al-mujaahidiin ayaa wacad kumartay in ay weerari doonto safaaradaha dalalka Burundi iyo Uganda oo ah dalalka keliya ee u soo diray soomaaliya ciidamo gaaraya 61000 askari kuwaas oo qeyb ka ah ciidamo 8000 gaaraya oo midowga Africa uu balan qaaday in uu u dirayo soomaaliya.

Sida ay sheegtay Xarunta mareykanka ee la socodka website-yada islaamiga afhayeen u hadlay xarakada shabaab al-mujaahidiin oo lagu magcaabo Sheekh Mukhtaar Roobow oo cajalad Video ay baahisay shabakad wareed ayaa sheegay in ay weerari doonaan safaaradaha Uganda iyo Burundi ee ku yaal caalamka oo idil.

Sidoo kale xarakada Shabaab waxa ay ku baaqday in magaalada Mogadishu ay qubuur uga dhigi doonaan ciidamada midwga Africa, kaasi oo shaaca kaqaaday in ciidamo dheeraad ah u so diri doonaan magaalada Mogadishu.

Dhanka kale xarakada Shabaab Al-mujaahidiin ayaa ku tarjumay cajalad kahadlaysa qaraxii kadhacay magaalada Kampala ee dalka Uganda 11 bishan july afka ingiriisiga taasi oo ay xarakada shabaab Al-mujaahidiin ay sheegteen in ay kadambeeyeen.

Qaraxyadii 11 July ee kadhacay magaalada Kampala ayaa la aaminsan yahay in ay ahaayeen kuwii u xooga badnaa tan iyo intii la beegsaday safaaradaha mareykanka ee dalalka Kenya iyo Tanzania sanaddii 1998.

Dowladda Uganda ayaa ayaa ahayd dalkii ugu horeeyey ee ciidan u soo dira soomaaliya 2007 , waxaana la aaminsan yahay in ay tahay culeyska ugu weyn ee kahortaagan xarakada Shabaab Al-mujaahidiin in ay la wareegaan magaalada Mogadishu.

SBC INternational- Monitoring