Dowlada Yemen ayaa iska fogaysay in ay qirato in ay wax ka jiraan sheegashada ay Ururka Xawthiyiinta ku sheegteen in ay gacanta ku dhigeen 200 oo kamid ah ciidamada Dowlada Yemen,iyadoona tobonaan kale dilay.

Wasaarada Difaaca dowlada Yemen ayaa hadal qoraal ah oo ay kasoo saartay arintaasi waxaa ay ku sheegtay in ay tahay been abuur,waxaana ay ku tilmaantay mid ay Xawthiyiintu samaysteen kuna cabsi galinayaan Ciidamodood,iyadoona sida qoraalka Wasaarada lagu xusay ay Ciidamada Milatariga Yemen howl galkoodii ugu dambeeyay ay guulo kaga soo hoyeen dagaalkii a Kooxdaasi la galeen.

Kadib degenaansho Bilo qaatay oo ay Xawthiyiinta iyo Dowlada Yemen ku heshiiyeen ayaa si lama filaan ah waxaa uu dagaal uga dhex qarxay labada dhinac,iyadoona deegaanada Waqooyi ee wadankaasi dib dagaaladii ay uga nasteen ay mar kale ku dareemeen khasaarihiisa.

Qabaa ilo taageera Dowlada Sanca ayaa la sheegay in ay weerar ku qaadeen Xawthiyiinta,iyadoona kadib Ururka Xawthiyinta uu ku eedeeyay in ay Dowlada Yemen qayb kala ahayd weeraradaasi.

Dowlada Yemen ayaa haatan waxaa kusoo kordhaya Mar kale dhibaatooyinkii dhinaca jabhadaha ka haystay,waxaana ay dagaalo kala duwan haata kaga jirtaa dowlada Sanca Waqooyiga Iyo Koonfurta wadankaasi.

Maxamed Cali Iimaan
SBC International- Boosaaso