Raysal Wasaaraha Britain David Cameron oo haatan ku sugan wadanka India ayaa booqashadiisii wadankaasi waxaa uu kulan uu la qaatay dhigiisa India Man Mohan Siin u sheegay in ay kala garab taagan yihiin la dagaalankooda Kooxaha qaswadayaasha ah,iyadoona dhicadooyinkii Mombai uu sheegay in ay ahayd mid ay la qayb sadeen India khasaarihii kasoo gaaray.

David Cameron waxaa isaga oo aan iska hubin fariin uu ugu diray dowlada Pakistan isaga oo uga digaya in ay xiriir la yeelato kooxaha argagixisada ah,iyadoona aanu koox si gaar ah aanu u tilmaamin.

Kadib hadalka Cameron ayaa afhayeen u hadlay wasaarada arimaha dibada Britain waxaa uu sheegay hadalkka raysal wasaaraha in uu ku wajahnaa shacabka Pakistan oo uu kaga dalbaday in ay iska fogeeyaan dhamaan kooxaha ay u yaqaanaan Argagixsada.

Pakistan ayaa reer galbeedka gaar ahaan Maraykanka gacan ka siisa dagaalka ay Al qacida iyo Daalibaan kula jiraan,waxaana kaga dhintay dowlada Pakistan dagaalada ay Daalibaanka kula jirto boqolaal ciidmadeeda ah.

David Cameron waxaa uu kadib hadalkiisii hore saxafiyiinta u sheegay in uu jeclaan lahaa in uu Arko Pakistan oo ka maran rabshado iyo dagaalo,waxaana uu sheegay in Pakistan oo haatan Dimuqraadiyadi ka jirto ah ay fiicnaan lahayd Amaankeeduna in uu noqdo mid laysku haleeyo dowladaha dariska ahna ay iska kaashadaan dhina wanaaga.

Shukri Xuseen Sabriye
SBC International Boosaaso