Hey adda u ololeyesa xuquuqda aadamaha ee Amnesty International ee fadhigeedu yahay magaalada London ayaa dowladda Giriiga ku eedeysey in uu ula dhaqmo dadka magangelyo doonka ah sidii dambiilayaal islamarkaana xabsiga ku hayo mararka qaarkood waqti badan.

Amnesty waxa ay carabaabtay walwalka ay ka qabto caruurta la socoto eheladooda kuwaas oo lagu hayo xabsiyada .

Agaasimaha u qaabilsan amnesty laanta yurub haweenayda lagu magacaabo Nicola Dakobert ayaa sheegtay in muhaajiriin badan aysan u suurtagelin in ay helaan qareeno u dooda.

Sidoo kale waxa ay si gaar ah u tilmaamatay haweenaydaan waxa kadhaca xarun lagu xiro dadka sida sharci darada ah ku soo gala ee ku taal woqooyiga Athena , in ay ku jiraan 360 caruur ah oo kakala yimid dalalka Sudan .ciraaq Afghanistan iyo Somalia.

Amnesty waxa ay sheegtay in ay ogaatay xaaladda kajirta gudaha xarunta lagu hayao dadka muhaajiriinta , waxayna ku tilmaamtay xaaladooda mid xun .

Amnesty waxa ay cadeesay in dadka kujira saldhigaas aysan helin waxyaabaha laga maarmaan-ka ah ay kamid tahay daawada ilkaha iyo gar xiirka.

UStaad: C/xakiim Maxamed Cumar
SBC International- Monitoring