Wakiilka Mareykanka u fadhiya Qaramada Midoobey haweenayda lagu magacaabo Susan Rice ayaa carabaabtay walwalka dalkeeda uu ka qabo xaaladda amaan ee sii xumaanaysa gobolka Darfuur ee dalka Sudan.

Rice ayaa sheegtay kadib kulan golaha amaanka uu ku qiimeenayey xaaladda amaan ee gobolka Darfuur uu ku yeeshay xarunta golaha amaanka ee New York in ku dhowaad 400 oo qof lagu dilay gobolka Darfuur bishan oo keliya.

Rice oo hadalkeeda sii wadata ayaa tiri " waxaan maqalnay warbixino sheegay in bishan July ee sanadkan ay tahay bishii ugu dhiig daadashada badnayd gobolka Daarfuur tan iyo intii lageeyey gobolkaas ciidamo isku dhafka ah ee ka socda midowga Africa iyo QM arrintaasna waa wax aan la aqbali Karin.

Khaalid Cayuuni
SBC International- News Desk