Xukuumadda Russia ayaa si aad ah u cambaareysay cunaqabatyntii ugu dambeysay ee uu midowga yurub ku soo rogay dowladda Iran , waxayna ku tilmaamtay in ay tahay talaabo burburinaysa dadaalada caaalamiga ah ee lagu doonayo in Iran lala gaaro heshiis ku aadan barnamijkeeda Nuclear-ka.

Bayaan ka soo baxay wasaaradda arrimaha dibadda ee Russia ayaa lagu sheegay in talaabadii midowga yurub uu kaqqatay dowladda Iran ay wiiqayso dadaaladii lagu doonayey in lagu dhameeyo si dublumaasiayd ah barnaamijkii nuclear-ka dalka Iran.

Sidoo kale Bayaanka dowladda Russia ayaa tilmaamay in cunaqabaatayna midowga Yurub iyo mowqifka adag ee dowladda mareykanka ay sii fogeenayso ujeedada laga leehyahay in la yareeyo faafitaanka hubka wax gumaada.

Bayaanka ka soo baxay wasaaradda arrimaha dibadda ee Russia ayaa waxa lagu yiri " ma waxaan ku shaqeenaa qorshihii kooxda lixda ama waxaan la shaqeenaa golaha amaanka, mise dalkasta wuxuu u dhaqmaa sida ay ula muuqato maslaxadiisa?".

UStaad: C/xakiim Maxamed Cumar
SBC International- Monitoring