ee xukuumada la baxday Soomaaliland iyo xukuumadii hore ee uu horkacayay madaxweynaha xilka wareejinayay ee Daahir Riyaale Kaahin iyo kuxigeenkiisa ayaa waxay ka dhacday xarunta madaxtooyada Maamulkaasi ee magaalada Hargeysa.

Waxaa sidoo kale xafladaasi goob joog ahaa xubno lagu martiqaaday oo ka kala socda wadamada Deriska la ah Maamulkaasi la baxay Soomaaliland, sida wadamada Jabuuti, Itoobiya iyo Kenya.

Xafladani oo ay xilka kula wareegayeen madaxweynaha Cusub ee Maamulka Soomaaliland Axmed Maxamud Siilaanyo iyo Madaxweynihii hore ee maamulkaasi Daahir Riyaale Kaahin, waxaana inta aysan dhicin dhaarinta iyo xil isku wareejinta halkaasi ka hadlay madaxweynaha xilka wareejiyay ee Daahir Riyaale Kaahin, isagoona sheegay in uu siweyn ugu faraxsanyahay xafladan iyo guusha ay ku soo dhamaatay doorashadii dimuqraadiga aheyd.

Waxaa uu sidoo kale halkaasi ka sheegay in uu u hambalyeynayo madaxweynaha Cusub ee Maamulka Soomaaliland islamarkaana uu xilkii ku wareejiyay intii karaan kiisa ahna uu la shaqeyn doono.

Waxaa si rasmi ah halkaasi loogu dhaariyay madaxweynaha Cusub ee mudada soosocota qaban doona xilka Soomaaliland Mr Axmed Maxamuud Maxamed Siilaanyo waxaana halkaasi ku dhaariyay gudoomiyaha Maxkamada Sare ee Somaliland .

Si kastaba ha ahaatee madaxweynaha Maanta la wareegay xilka Madaxtinimo ee Maamulka la Magac baxay Soomaaliland waa siilaanyo e waxaa looga fadhiyaa qaabta ugu macquulsan ee uu ku hogaaminayo dalka iyadoo talaabada ugu horeysa  ee ay dadka badi wada sugayaan ay tahay soo magacaabida golihiisa wasiirada.

C/qaadir C/laahi Nuur Almis
SBC International Hargeysa.