Madaxda Midowga Afrka ayaa kulankoodii magaalada Kambala ee xarunta Uganda waxaa ay gunaanadkii isku raaceen in la taageero dowlada Soomaaliya,iyadoona ay taagereen ciidamo 2,000 gaaraya oo sida ugu dhakhsiiyaha badan loogeeyo magaalada Muqdisho ee xarunta wadanka Soomaaliya.

Madaxda Midowga Afrika waxaa ay kaloo ogolaadeen in ay dagaalami karaan markii lasoo weeraro,iyadoona dalabkii madaxweyne Yuweri Musavani ee ahaa in loo fasaxo ciidamada Amison in ay weerari karaan fariismiha kooxaha kasoo horjeeda gabi ahaanba aan laga hoos qaadin,waxaana ay Madaxdii kulankaasi kasoo qayb galay ay isku afgarteen in aan waba laga badalin qorshihii Ciidamada Amison ee magaalada Muqdisho.

Dowlada Uganada oo ciidamada ugu badan  Amison ay kasoo jeedaan ayaan la ogayn sida ay ugu dhabar adeegayso joogitaankooda Soomaaliya xili aanay wax weerar ah qaadi Karin.

Madaxweynaha Uganda Yoweri Museveni waxaa uu inta aanu bilaaban shirka Midowga Afrika uu dalbaday in isbedel lagu sameeyo qorshaha ciidamada Amisom ee Soomaaliya,iyadoona uu balan qaaday in 2,000 ee loo baahan yahay ay dowlada Uganda gayn karto Soomaaliya.

Xarakada Mujaahidiinta Al shabab ayaa sheegatay qaraxyadii dhowaan ka dhacay Gudaha Kambala,iyadoona sababta weerarkaasi ku sheegay Madaafiicda ay ciidamada Amisom ku garaacaan dadka rayyidka ah ee magaalada Muqdisho.

Xuseen Xuska
Xuska45@hotmail.com
SBC International Monitoring.