Wasiirka arrimaha gudaha ee xukuumadda israa’iil ninka lagu magacaabo Isxaaq Ahronovic (Ahronoofiij) oo horaantii todobaadkan magaalada Tel Aviv kulan kulaqaatay wasiirka amaanka gudaha dalka Kenya ninka lagu magacaabo Gorge Saytooti ayaa la sheegay in labada mas’uul ay kawada hadleen arrimo ku aadan hanjabaadaha xarakda shabaab almujahidiin ay u jeedinayso dalalka deriska la ah dalka Somalia.

Sida uu qoray wargeyska Jerusalem Post wasiirka arrimaha amniga Israel ayaa u soo bandhigay dhigiisa dalka Kenya in dowladda Kenya ay ka dhsito Gidaar xadiid ah inta u dhaxeeysa xadka ay la lawadaagaan dalka soomaaliya kaasi oo dhererkiisu yahay 682 KM , kaas oo Kiloomitirkiiba ay ku bixayso lacag dhan 2 malyan oo doolar.

Wasiirka arrimaha gudaha Israel waxa uu u sheegay dhigiisa dalka Kenya in xarakada Xamaas ay khatar ku ahayd amaanka Israel, islamrkaana ay Israel kaga guulaysatay dhisitaanka gidaarka dheer ee dhexmara dhulka filistiiniyiinta kaasi oo ka samaysan bir .

Dadka ka faalooda arrimaha siyaasadda ayaa ku micneeyey in dowladda Kenya hadii ay qaadato mid lamid ah tan xukuumadda Israel ay ka qaadatay shacabka filistiiniyiinta taasi ay saamayn ku yeelan doonto soomaaliya oo xiriir siyaasadeed iyo ganacsi la leh dalka Kenya , iyadoo sidoo kalana waxyeeleen doonta ganacsiga labada dal ee deriska ah.

Sikastaba ha ahaatee waxaan la ogayn talaabada tan xigta ay qaadi doonto dowladda Kenya iyo waxa ay ka yeeli donto talada Israel ay ugu soo jeedisay dhisitaanka Gidaar Bir ah oo u dhexeeya Kenya iyo soomaaliya ayada oo ay dowlada Yuhuuda ay horay uga dhistay Gidaar gudaha filsitiin.

SBC International- Monitoring