Maxkamada sare ee Seychelles ayaa xarig toban sano ah ku xukuntay 11 soomaali ah kuwaas oo lagu eedeeyey in ay kulugu lahaayeen falal burcadbadeed ah.

Dadkan lagu soo eedeyey in ay yihin Burcad-badeed isla markaana waday falal Burcad-badeednimo ayaa maalintii shaley maxakamda kasoo hormuuqday.

Maxkamadda ayaa ku xukuntay 11 qof 10 sano oo xarig ah iyadoo 8 kamid ah 11 qof la sheegay in ay ku kaceen falal burcadbadeed ah halka 3-da kalana lagu eedeeyey in ay caawinayeen burcadbadeeda islamarkaana ay dhiirigelinayeen.

Maxkamadda ayaa bishii Maarso ee sanadkan bilawday dhageysiga dacwado ka dhan ah 11 rux oo burcad badeed Somali ah kuwaasoo ay soo qabteen ciidamada caalamiga ah ee ku sugan biyaha wadanka Somalia.

Dhowr jeer oo hore ayaa maxkamada Cadaalada ee Seychelles la horkeenay Rag Soomaali ah oo lagu eedeyey in ay yihin Burcad-badeed balse weli wax xukun ah laguma ridin oo waxaa dib loogu celiya xabsiyada lagu hayo.

Ilo xog ogaal ah ayaa kuwaramaya in 30 qof oo loo haysto falala burcadbadeed ay kujiraan xabsiyada Jasiiradda Seychelles iyadoo kuwa kalana oo loo qabtay Burcad badeed ay ku kala xiran yihiin wadamo fara badan oo caalamka ah, kuwaas oo aan weli maxkamad lasoo taagin.

Ustaad: C/xakiim Maxamed Cumar
SBC International- Monitoring