Xaalada Goobihii shalay ay ku dagaalameen Ciidamada Puntland & Koox hubeysan oo ay dowladu sheegtay inay ka tirsan tahay Shabaabil Mujaahdiin kuwaasi oo ka amar qaata Wadada La yiraahdo Sheekh Atam ayaa saaka laga dareemayaa Degaanasho ka dib Dagaal Qasaare baahsan geystay oo halkasi ka dhacay

Sarkaal ka tirsan Ciidamada Puntland kana gaabsaday In magaciisa Saxaafada laga sheego ayaa sheegay in ciidamada Puntland ay ku jiraan Heegankii ugu sareeyay isaga oo sidoo kale xusay in Dagalkii shalay ay ka gaareen Guul sida Sarkaalkaasi hadalka u dhigaye

Goobihii shalay lagu dagaalamay ee Toga Sugure ayaa waxaa ka muuqanaya Raadka uu dagaalku reebay iyadoo weli goobtu ay tahay mid ay ka muuqato xiisada Dagaalka.

Inkasta Dowlada Puntland ay sheegtay in dagaalka ay ku qabtay maxaabiis farabadan islamarkaasina ay Kooxda la dagaalameysay ka dishay ku dhawaad 13 qof oo hubeysan hadana ma jirto wax war ah oo ka soo baxay Ciidamada la sheegay inay ku xiran yihiin Xarakada Alshabaab ee shalay dagaalka la galay Ciidamada Puntland taasi oo ay kaga warbixinayaan qasaaraha gaaray & kan ay geysteen

Xiriiro ay SBC International la sameysay Tuulada Karin oo aan si aad ah uga fogeyn goobta lagu dagaalamayay ayaa goobjoogayaal ku sugan waxay u sheegeen warqabadka SBC in saaka ay daremeeyaan Degaanaasho wallow maalintii shalay halkaasi si aad ah looga maqlayay Daryanka madaafiicta & Rasaasta ay isweydaarsanayeen Dhinacyada Dagaalamayay

Dadka Degan Tuulooyinka ku dherraran wadada Laamiga ayaa sheegay inaysan Shalay wadadaasi soo marin gadiidkii faraha Badnaa ee wadaadaas isticmaalijiray wallow aysan jirin amar ka soo baxay dowlada oo wadadaasi lagu xiray inkasta oo uu Maamulka Gobolka Bari u sheegay SBC in Wadada Laamiga laga sameyay goobo Baaris oo aad u farabadan

Inkasta oo xaalada Saaka laga dareemayo Goobaha lagu dagaalamay degaanasho hadan waxaa xilli kasta la filan karaan dagaal dhexmara Labada Dhinaca bacdamaa ay ku sugan yihiin goobihii ay horey ugu dagaalameen meel u muuqata taasi oo dhalin karta Dagaal hor leh

Dhinaca kale waxaa shalay gelinkii danbe aas wadareed loo aasay ciidamadii Puntland & koxihii ka soo horjeeday ee ku dhintay Dagaalkii ka dhacay Duleedka Tuulada Karin gaar ahaan toga sugure oo 2-Km u jira Tuulada Karin sida ay sheegeen Masuuliyiin ka tirsan Maamulka Puntland.

SBC International Monitoring