Afhayeenka Xarakada Shabaab Almujaahidiin oo shir Jaraa’id ku qabtay magaalada Muqdisho ayaa waxaa uu sheegay in xoogaga mujaahidiinta Alshabaab ay weerar ku qaadeen xarunta Madaxtooyada Dalka Soomaaliya ee Magaalada Muqdisho.

Waxaa uu afhayeenka Xarakada Shabaab Sh Cali Dheere sheegay in ciidamada Xarakadu ay 4ta Wajah ka soo galeen Xarunta madaxtooyada Vila Somalia kaas oo ay agagaarihiisa kula dagaalameen ciidamada Madaxtooyada iyo kuwa Amisom ee Halkaasi ilaashada sida uu hadalka u dhigay, waxaana uu intaasi ku daray in ay khasaare u geysteen ciidamada DKMG ayna guulo ka soo hoyeen.

Afhayeenka ayaa intasi raaciyay In mujaahidiinta Xarakada Alshabaab ay duulaamo ay ku qaadi doonaan goobaha ay ciidamada DKMG iyo kuwa Amisom ay ku sugan yihiin kuwaas oo ay ka eryi doonaan gaalada soo duushay sida uu hadalka u dhigay.

Si kasyaba ha ahatee hadalka ka soo yeeray Afhayeenka Xarakada Shabaab Almujaahidiin ayaa waxaa uu ku soo aadayaa xili waqoojiga Magaalada Muqdisho ay ka soconayan dagaalo xoogan oo la isku adeegsanayo hubka Cul culus waxaana mar uu ka hadlayay Sheegay in ay dagaal adag kula jiraan ciidamada Dowlada KMG ah .

Maxamed Xaaji Xasan
SBC International- Muqdisho.