Afhayeenka Ciidamada Police-ka Dowlada KMG ah ee Soomaaliya  C/laahi Xasan Bariise ayaa kulan saxaafadeed oo uu goor dhow u qabtay waxaa uu ku soo bandhigay Hub isugu jira qoryaha Fud fudud iyo kan Cul culus iyo weliba Dress-ka Ciidamada DKMG ah kuwoodii hore ay u sidan jireen kuwaas oo uu sheegay in lagu doonayay in loo gudbiyo xoogaga islaamiyiinta si ay ciidamada Dowlada isugu ekeysiiyaan .

Hubkan ay dowladu soo qabatay ayaa waxaa uu ku sii deeyay sida uu Afhayeenku sheegay suuqa Cirtoogte ee  Bakaaraha Magaalada Muqdisho islamarkaana ay baxadeen kooxihii siday .

Inkastoo Afhayeenka ciidamada Police-ka DKMG ah uusan carabaabin dadkaasi cida ay ahaayeen ayaa hadana waxaa la aamin san yahay in ay ka mid yihiin dowlada kMG ah ee Soomaaliya Amaba ay la shaqeeyaan saasna ay ugu suurto gashay in hubkan gacanta lagu dhigo.

Dhinaca kale Maalintii 3aad ayaa magaalada muqdisho waxaa ka dhacaya waqooyigeeda dagaalo xoogan oo u dhaxeeya Ciidamada Dowlada iyo kuwa Amisom oo isgarabsanaya iyo weliba xoogaga islaamiyiinta ah ee Alshabaab iyo Xisbul islaam.

Waxaana la isku adeegsanayaa hubka noocyadiisa kala duwan iyadoo madaafiicyo xoogan oo lagu duqeynayo deegaanada qaar ee Muqdisho waxaana ka dhashay khasaare naf iyo maalba leh.

Inta la ogyahay ayaa waxaa dagaalkan siyaabo kala duwan ugu geeriyooday dadyow kor u dhaafaya 15Qof kuwaas oo ay haleeshay madaafiic duqeyn ah iyo hubka cul culus oo la isku adeegsanayay.

Maxamed Xaaji Xasan Abuukar
SBC International- Muqdisho