Waxaa warbixin UN-ka kasoo baxday oo ku aadan xaalada gargaarka cunto ee Soomaaliya lagu sheegay in la musuq maasuqo oo lakala iibsado xiliga la geeyo gargaarka Soomaaliya,iyadoona ay kooxo dulaaliin ah kala iib sadaan iyaga oo aan gaarsiinayn dadkii baahnaa ee loogu talagalay in la gaarsiiyo.

Warbixinta UN-ka Soomaaliya ayaa sheegtay in qaar ka tirsan dadka heshiiska cunto gaynta Soomaaliya hay ada WFP la gasho iyo saraakiil kale oo Soomaali ah ay iska kaashadaan leexsiga cuntada iyagoona si sharci daro ah ku iibsanaya cuntada gargaar ahaanta loo gaarsiinayo kumanaanka kun eek u dhibaataysan Soomaaliya.

Musuq maasuqa lagu hayo cuntada qaramada Midoobay ee Soomaaliya ayaa ah mid sida ay war bixintu xusayso ay qeyb ka yihiin qaar ka tirsan shaqaalaha hay ada WFP ee jooga Soomaaliya kuwaas oo lacago aan qiimahooda la cayimin ka siista ganacsata Soomaali ah oo ka baayac mushtara cuntada gargaar ahaanta loo gaarsiinaya Soomaaliya.

Warbixinta UN-ka ee gargaarka cunto ee Soomaaliya oo ah mid aan si toos ah loo shaacin ayaa qaramada Midoobay waxaa ay warbixinteeda kala kaashatay dad ku sugan gudaha Soomaaliya iyo dibadeedaba.

Ma aha markii ugu horeeyay oo la shaaciyo in ay jiraan musuq maasuq lagu sameeyo gargaarka cunto ee Soomaaliya,iyadoona horay ay banaabaxyo uga sameeyeen qaxooti ku dhaqan ceelasha biyaha cunooyin loogu talagay oo lagu iibsaday gudaha magaalada Muqdisho.

Xuseen Xuska
SBC International- Monitoring