Madaxweyne ku xigeenka Maraykanka John Biden ayaa waxaa uu xili uu maalinimadii shalay gaaray daanta galbeed uu dhaliilay qorashaha cusub ee ay Isreal gurya cusub oo sharci daro ah uga dhisayso daanta galbeed iyo qudus.

Biden waxaa uu madaxweynaha Falastiin u sheegay in ay dhisayaan qorshe wadahadal oo ay falastiinyiintu ugu kalsoonaan karaan in uu maraykank daacad ka yahay dib usoo celinta wadahadladii burburay ee u dhexeeyay falastiinyiinta iyo Isrealiyiinta.

Madaxweynaha Falastiin Maxamuud Cabaas waxaa uu dhinacooda sheegay in ay doonayaan in xal laga gaaro dhibaatooyinka ka dhex aloolsan iyaga iyo Isreal,laakiinse dhisamayaasha cusub ee ay dowlada Isreal ku dhawaaqday in ay ka dhisayso daanta galbee ay tahay mid caqabad ku ah xal waara oo laga gaaro dhibaatooyinka ka jira bariga dhexe.

Madaxweyne ku xigeenka Maraykanka oo maalmihii ugu dambeeyay booqashooyin ku marayay bariga dhexe ayaa madaxda falastiinyiinta iyo Isrealiyiinta kala hadlay sidii dib loogu soo celin lahaa wadahadaladii burburay ee u dhexeeyay labadaasi dhinac.

John biden oo magaalada qudus kula kulmay madaxda Isrealiyiinta ayaan wax natiija ah kasoo hoyin kulankiisa in uu ka dhaadhiciyo madaxdaasi joojinta dhisamayaasha sharci darada ah ee ay Isreal ka wado daanta galbeed,iyadoona xili uu isla deegaankaasi joogay ay Isreal ku dhawaaqday in ay dhisayso gurya cusub oo gaaray ilaa 1600 oo guri.

Xuseen Xuska
SBC International- Monitoring