Sarkaal ka tirsan madaxda Midowga Yurub ee wadanka Yemen ayaa ka dalbaday dowlada Yemen in ay xakamayso tirada Muhaajiriinta Afrikaanka ah ee wadankeeda soo galaya,xili ay sii kor dhayaan muhaajiriinta Afrikaanka ah ee soo galaya wadanaasi.

Silky Nekoly oo ah madaxa Midowga Yurub ee Yemen ayaa waxaa uu kulan maalinimadii shalay ka dhacay wadanka Yemen oo looga hadlayay siyaasada muhaajiriinta ee dowlada Yemen ka sheegay in ay ka gacan siinayaan dowlada Sanca xakmaynta muhaajiriinta Afrikaanka ee dhinaca bada cas kasoo galaya wadankaasi.

Wasiirka dejinta qaxootiga Yemen Axmed Musaacid Xuseyn ayaa ka isaguna kulankaasi ka sheegay in ay intii awoodooda ah ay caabiyeen qaxootigaas kuwaas oo inta badan qaar kood ay ku celiyeen wadankooda.

Musaacid waxaa uu sheegay in ay gaarayaan qaxootiga Afrikaanka ah ee haatan ay tiradooda hayaan 800,000 kuwaas oo inta ugu badan ay ka yimaadeen wadanka Soomaaliya oo ay ka jiraan dagaalo mudo 20 sano ku dhow ka soconayay wadankaasi.

Inta badan Afrikaanka aan soomaali ad ahayn waxaa ay tahriib ahaan uga soo galaan xeebaha Soamaaliya iyaga oo ku milmay soomaalida qaarkoodna ay ku hadlayaan afka soomaaliga,waxaana sida uu musaacid sheegay ay haatan wadaan kala shaandhayn qaxootiga 800,000 gaaraya ee haatan ku sugan wadankaasi.

Qaxootiga soomaalida eek u sugan wadanka Yemen,waxaa mudooyinkii ugu dambeeyay jiray kala soocid dhexdooda ah,iyadoona sida ay ilawareedyo xog ogaal ahpoo ku sugan wadankaasi shaagayaan look ala qaybinayay qaxootiga koonfurta Soomaaliya ka yimid iyo kuwa gobolada kale ee xasiloon kayimid.

Xuseen Xuska
SBC International- Monitoring