Saraakiisha ururka Xisbul islaam oo ka taliya qeybo ka mid ah Magaalada Muqdisho iyo gobolada qaar ee Konfurta Dalka ayaa markii ugu horeysay soo dhaweeyay hadal ka soo baxay Dowlada Naigeriya oo ahaa in aanay Ciidamo u soo direyn dalkan Soomaaliya .

Xog hayaha dhanka Warfaafinta ururka Xisbul islaam Sh Maxamed Macalin oo maanta Saxaafada kula hadlayay Magaalada Muqdisho ayaa arimahaasi ku tilmaamay mid ay siweyn u soo dhaweynayaan ka xisbul islaam ahaan hadalka Dowlada Nigeriya ay ku sheegtay in aysan ciidamo ugu soo direyn gudaha Dalkan Soomaalia.

Waxaase madaxa warfaafinta Xisbul islaam uu dhaliilay Dowlada Jabuuti gaar ahaan Madaxweyneheeda Ismaacil Cumar Geele isagoo ku sheegay in uu yahay nin doonaya in uu kala ququbo umada Soomaaliyeed, kagana digay in uu ciidan ka socda keeno gudaha dalkan.

Sidoo kale Sh Maxamed Macalin waxaa uu hadalka uu siiyay Saxaafada kaga codsaday Shacabka ku dhaqan dhamaan Deegaanada ay ka arimiyaan in ay maalinimada Jimcaha ah ka soo qeyb galaan banaanbaxyo ka dhan ah dhaq dhaqaaqyada Amisom, gaar ahaan shacabka tabaaleysan ee ku dhaqan goobaha deegaanada ay iyagu ka arimiyaan

Si kastaba ha ahaatee ma ahan markii ugu horeysay oo ay ururka xisbul islaamka hadlaan xaafada dalka ee iminka iyagoo ku soo beega xiliyo ay digniino u jeedinayaan dalalka Midowga Africa ee iyagu sheega in ay ciidamo u soo dirayaan gudaha Soomaaliya.

Max’ed Xaaji Xasan Abuukar
SBC International- Muqdisho.