Maamulka Soomaaliland ayaa ooda ka qaaday Dad rayid ah oo ay Xabsiga u taxaabeen Ciidamada Maamulkaas ee ku sugan Magaalada Laascaanood xarunta Gobolka Sool.

Dadkan ayaa laga siidaayay Xabsiyada Gobolka Togdheer waxayna kor u dhaafayaan 65Qof oo laga qabtay magaalada Laascaanood Xarunta Gobolka Sool ka dib markii ay halkaasi ka dhigeen Banaan baxyo ay kaga cabanayeen tacadiyo ay sheegeen in ciidamada Maamulka Somaliland u geysteen Macalimiin Waxbarasho.

Xabsi ku yaala Degmada Ceynabo ee Gobolka Togdheer ayaa ay mudo 3maalin ah ku xirnaayeen dadkani waxaana ay isugu jiraan Dad dhalinyaro ah Habeen Rag iyo Caruurba, waxaana ooda laga qaaday dadkan ka dib markii lagu waayay wax dembi ah

Waxay aheyd 3 Maalmood ka hor markii ay Ciidamada Maamulka Soomaaliland ee ku sugan Magaalada Laascaano xabsiga dhigeen Rag macalimiin ka ahaa magaaladaas, kadib markii ay ugu tuuhmeyn ku lug lahaanshaha Qaraxyo ka dhacay Magaaladaas,

Ka dib waxaa ay bulsha weynta ku dhaqan magaaladaas ayaa ka carooday Macalimiinta Xabsiga loo taxaabay iyagoo ku dhaqaaqay Sameynta Banaan baxyo rabshado wata taasina ay keentay in ay Ciidamada qab qabtaan dadkan la sii daayay iminka.

Si kastaba ha ahaatee waxaa ay Siideynta dadkani imaaneysaa xili ay hadalo ku aadan arimahan saxaafada isku weydaarsadeen labada Maamul ee Puntland iyo Soomaaliland.

Cali Cismaan yuusuf (Cali Dhagjar)
SBC International-  Buuhoodle