Sida lagu qoray wakaalada wararka ee dalka Qadar madaxweynaha dalka Eritrea ayaa u diray warqad cabasho ah xoghayaha guud ee Jaamacadda Carabta Camar Muusa taasi oo ka guddoomay safiirka dalka Eritrea magaalada Qaahira ninka lagu magacaabo Gebra Salaase.

Safiirka oo shir jaraa’id ku qabtay magaalada Qaahira isagoo ka warbixinaya qoraalka dowladiisu u gudbisay Jaamacadda carabta ayaa sheegay in qoraalkan uu yahay mid dowladda Eritrea ay ku doonayso in jaamacadda carabta ay kahadasho aragtideeda qaaraarkii golaha amaanka uu cunaqabateenta ku saaray dalka Eritrea kaasi uu tilmaamay safiirku in uu ahaa mid aan sharci ahayn, islamarkaana dalka Eritrea uu gaarsiinayo jaamacadda carabta in ay jawaab ka bixiso qaraakaas maadaama ay miisaan culus ku leedahay siyaasadda caalamka.

Ambassador Gebra Salaase waxa uu ku gacan seeray in ay jiraan wax mushkilad ah oo u dhxeeya dalkiisa iyo dalalka Somalia iyo Djibouti.

Safiirka ayaa waxba kamajiraan ku tilmaamay qoraalka dowladda France ee ay u gudbisay golaha amaanka ee ku aadan dalka Eritrea ku xagudbay xadka ay wadaagaan dalka Djibouti .

Dabayaaqadii sanadkii la soo dhaafay ayey ahayd markii ay 15-ka xubnood ee uu golaha amaanka ka kooban yahay oo dood kayeeshay siddi cuna qabatayn loo saari lahaa  lahaa dalka Eratariya taasi oo 13 ka mid ah ay isku raaceen in cunaqabatayn dhinacya fara badan taabanaysa lagu sooo rogo dalkaasi oo lagu eedeeyay in ay taageero dhaqaale iyo mid milatari siiso kooxaha dagaalda kawada gudaha wadanka soomaaliya .

Cunaaqabatayntaan  ayaa waxaa ka mid ah in xayiraad lasaaro dhinaca hubka ,safarada dibadda ee arimaha diblumaasiyadda, in la xayiro hantida u taala dowladaasi iyo ganacsatada shaqsiyaadka ah ee la rumaysan yahay in ay arintaasi gacan ku leeyihiin.

 Dowladda Eratiya ayaa marar badan sheegtay  in aysan waxba ka jirin eedaymaha loo haysto ee laxariirta in ay taageero siiso  kooxaha diidan qaranimada soomaliya ayadoona tilmaamtay in arinkaasi ay tahay wax ay soo maleegeen  sirdoonka dalka maraykanka .

Ustaad : C/xakiim Maxamed Cumar
SBC International Monitoring