Hogaamiyaha Mucaaradka Sri lanka  ee doorashooyinka Madaxtinimada wadankaasi la galay Madaxweynaha Sri lanka  Mahinda Rajabaksa ayaa xabsiga loo taxaabay sida ay shegeen saraakiil ka tirsan ciidamada booliska wadankaasi.

Gen Sarath Fonseka oo kasoo hor jeeday Natiijooyinka doorashada Madaxtinimada wadankaasi bishii aynu soo dhaafnay ka dhacay ayaa afhayeen u hadlay dowlada Colombo uu sheegay  in ay soo hor istaajinayaan Fonseka Maxkamad kadib markii lagu helay dambiyo ka dhan ah khalkhal galinta amaanka wadankaasi.

Doorashooyinkii Madaxtinimada Sri lanka oo ay dad kor u dhaafaya Lix Million ka qayb galeen ayaa waxaa ay 4 Million oo kamid ah lixdii Malyan ee codoysay ay doorteen Madaxweynihii horay talada wadankaasi u hayay Mahinda Rajabaksa.

Gen Sarath Fonseka oo ahaa taliyihii ugu sareeyay ciidamada Sri lanka ee soo afjaray jiritaanka kooxda Tamil-ka oo mudo 25 sano ah dagaalo kula jirtay dowlada wadankaasi ayaa bil kadib doorashooyinkii madaxtinimada Sri lanka haatan xabsiga la dhigay.

Madaxweynaha Sri lanka Mahinda Rajapaksa,waxaa uu horay ciidamo ilaala ah oo boqolaal gaaraya uu ilaalo uga dhigay Fonseka si aanu isugu dayin afganbi uu dowladiisa ku sameeyo.

Lama oga waxaa uu dhalin karo xabsiga haatan ay dowlada Sri lanka u jartay Gen Sarath Fonseka oo ah nin taageero badan ku haysta ciidamada iyo shacabka wadankaasi Sri lanka.

 
Xuseen Xuska
SBC International- Monitoring