Warbixin ay soo saartay hay’adda xuquuqul Insaanka Human Rights Watch ee fadhigeedu yahay magaalada New York ayaa ugu baaqday dowladda Baxrayn inay si degdeg ah ku joojiso tacadiyada lagu hayo maxaabiista kujirta jaylasha dalkaas ee u xirxiran arrimo nabadgelyo.

Hay’adu waxa ay sidoo kale ugu baaqday dowladda Baxrayn in ay soo afjarto xadgudubyada loogu geysanayo maxaabiista xilliga wax la weydiinayo.

Human rights watch waxa ay warbixinteeda ku sheegtay in ay hayso marqaatiyaal ay kamid yihiin maxaabiis horey ugu jirey xabsiyada dalka boqortooyada Baxrayn kuwaas oo tilmaamay in laamaha amaanka Baxrayn ay dib u bilaabeen xadgudubyada lagula kacayo maxaabiista tan iyo sanaddii 2007.

Hay’da ayaa baahisay warbixinteeda iyadoo soo xiganaysa 20 maxbuus oo horey ugu jirey xabsiyada dalka Baxrayn iyo cadeemo caafimaad oo muujinaya in ay jirto in xukuumadda ay kulugu leedahya tacadiyada kadhacaya xabsiyada dalkaas.

Dhanka kale kuxigeenka agaasimaha hay’adda ee u qaabilsan Bariga dhexe ninka lagu magcaabo Joe Stork ee ah diyaaraiyaha warbixinta ayaa ugu baaqay xukuumadda in ay baarto dhamaan eedeemaha loo jeedinayo xukuumadda islamarkaana ay dabgasho dadka fulinaya falalkan lidka ku ah xuquuqda aadanaha.

Ustaad C/xakiim maxamed Cumar
SBC International- Monitoring