Wasaarada Waxbarashada Dowlada PL ayaa maanta waxaa lagu soo bandhigay cilmi baaris lagu  sameeyay waxbarashada PL, oo ay iska kaashadeen labo urur oo wadani ah isla markaasna lagu kala magacaabo Hadaf iyo Tadaamun, Munaasabad balaaran oo lagu qabtay Xarunta Wasarada Waxbarashada ee Garowe ayaa waxaa ka soo qayb galay madaxda wasarada gaar ahaan wasiirka wasaarada waxbarashada Pl ku xigeenadiisa  saraakiil ka tirsan Wasarada waxbarashada Pl iyo Masuuliyiin ka socday Ururadda Maxaliga ah ee Hadaf iyo Tadamun

ugu horayn waxaa ka hadalay Goobta C/laahi farax mire oo ka tirsan hayada Tadamun qaybta waxbarashada waxaana uu sheegay in Buugaan ay soo diyaarisay Ururka hadaf in ay  cilmi baaristaan tahay tihiin ugu horaysay ee laga sameeyo Soomaaliya  siiba PL  C/laahi waxaa kale oo uu tibaaxay in cilmi baaristaani ay socotay mudo hal sano ah ayna kala qaybaateen,' waxaa uu buugaani yahay mid ka turjumaya sooyaalka marka laga reebo cilmi baarista buugu waxaa uu soo bandhigayaa aqoon yahaynka PL, waxaana uu ka turjumayaa hormarka waxbarashadda waxaana jira gaab balse waxaana ku kooban dhaman ardayda wax ka dhigata Dugsiyadda PL ' sidaas waxaa yiri C/laahi

Inkastoo masuuliyiin badan ay ka hadleen Goobta ayaa hadana waxaa hadal dheer oo mahad celin iyo dhiiri galin ka soo jeediyay Wasiirka waxbarashada PL Cabdi faarax Juxa oo isagu ku dheeraaday habka waxbarashada pl oo uu ku tilmaamay in cilmi baaristaani ay wax wayn ka tari doonto PL ayna tahay Guul isla markaasna darasadii ugu horaysay ay tahay oo waxbarashada laga diyaariyo, wasiirku waxaa uu ku guubaabiyay bahda waxbarashada in aysan cid kale wax ka sugin,waxaana ay noo tahay ayuu yiri mid bilow ah

' waanu ku tala jirnaa in aanu samayno Daraasad waxbarasho ah oo aanu samayno waxaana bilaabi lahayn sanadkaan hada dhashay, sanadkaan waxaan xooga saaraynaa dadka aqoon yahanka ah waxaana ka rajaynayaa in aanu helno xog rasmi ah tayada waxbarashada ayaa hoosta nooga xariiqnaa waxaana la soo gaaray xiligii aan ogaan lahayn waxaan baranayno mar dhow waxaanu qabanaynaa shir wayne looga hadlayo waxbarashada oo ah kii ugu horeeyay' sidaas waxaa yiri wasiir Juxa

Si kastaba ha hatee waa markii ugu horaysay ee cilmi baaris  lagu sameeyo waxbarashada soomaaliya amaba Pl taas oo wax wayn ka tari doonta hayaddaha waxbarashada daneeya sida wasaarada waxbarashada PL .

C/naasir Yaasiin Salaad
SBC International- Garoowe